Опис

Почитувани колеги,

Со особено задоволство Ве покануваме да земете учество на Колпоскопскиот курс „Современа колпоскопија – од основи до дијагноза и третман“, кој ќе се одржи на 3 октомври 2026 година (сабота), во хотел Холидеј Ин, Скопје.

Курсот е наменет за лекари кои сакаат да ги унапредат своите знаења и практични вештини во областа на современата колпоскопија, со посебен акцент на правилната процена на колпоскопските наоди, препознавањето на преканцерозните лезии и современиот пристап кон нивната дијагноза и третман.

Посебно внимание ќе биде посветено на:

• современиот пристап во колпоскопската дијагностика;
• зоната на трансформација и нејзината клиничка важност;
• процена и евалуација на абнормални колпоскопски наоди;
• Swede колпоскопски скоринг и процена на ризик;
• менаџмент на пациентки со абнормален ПАП-тест и High Risk HPV позитивност;
• колпоскопија на вагина и вулва;
• колпоскопија во бременост;
• менаџмент на биопсиски докажан CIN;
• колпоскопска дијагноза на микроинвазивен и инвазивен карцином;
• аблативни и ексцизни третмански опции;
• следење по третман на CIN.

Курсот ќе заврши со практична колпоскопија – „Problematic & Interesting Cases“, преку која учесниците ќе имаат можност стекнатото теоретско знаење да го применат низ анализа на конкретни клинички случаи.

Курсот е акредитиран од ЛКРСМ , сите учесници ќе добијата Сертификат.

Котизација изнесува

6.200 денари за Специјалист

3.100 денари за Специјализант